തങ്ങളുടെ ന്യായമായ ആവശ്യങ്ങള് പരിഗണിക്കാമെന്ന് പറഞ്ഞ ഗതാഗതമന്ത്രി ആന്റണി രാജു വാക്ക് പാലിച്ചില്ലെന്ന് സ്വകാര്യ ബസുടമകള് ആരോപിച്ചു.
വിദ്യാര്ഥികളുടെ മിനിമം നിരക്ക് ആറു രൂപയായി ഉയര്ത്തണമെന്നതടക്കം വിവിധ ആവശ്യങ്ങള് ഉന്നയിച്ച് ബസുടമകള് ഇന്ന് ഗതാഗതമന്ത്രി ആന്റണി രാജുവിന് പണിമുടക്ക് നോട്ടീസ് നല്കിയിരുന്നു. ഇന്ധനവില വര്ധനയെ തുടര്ന്ന് പ്രതിസന്ധിയിലായ സ്വകാര്യ ബസ് സര്വീസിനെ കരകയറ്റാന് ചാര്ജ് വര്ധന ഉടന് തന്നെ നടപ്പാക്കണമെന്ന് ആവശ്യപ്പെട്ടാണ് ബസുടമകള് നോട്ടീസ് നല്കിയത്. ഇതിന് പിന്നാലെയാണ് സമരത്തിന്റെ തീയതി പ്രഖ്യാപിച്ചത്. നേരത്തെ ഈ മാസം 30 മുതല് അനിശ്ചിതകാല സമരം നടത്താനായിരുന്നു ബസുടമകള് തീരുമാനിച്ചിരുന്നത്.
വിദ്യാര്ഥികളുടെ മിനിമം നിരക്ക് ആറു രൂപയായി ഉയര്ത്തണം
മിനിമം ചാര്ജ് 12 രൂപയാക്കണം, വിദ്യാര്ഥികളുടെ കണ്സഷന് നിരക്ക് കൂട്ടണം തുടങ്ങിയ ആവശ്യങ്ങളാണ് ബസ് ഉടമകള്ക്കുള്ളത്. നിരക്ക് ഉയര്ത്തുന്ന കാര്യം ബജറ്റിലും ഉള്പ്പെടുത്തിയില്ല. കഴിഞ്ഞദിവസം ബസുടമകളുടെ ആവശ്യം ന്യായമാണെന്ന് പറഞ്ഞ ആന്റണി രാജു, പൊതുജനാഭിപ്രായം കൂടി തേടിയ ശേഷമായിരിക്കും നടപടി സ്വീകരിക്കുക എന്നാണ് പറഞ്ഞത്. ബസ് ചാര്ജ് കൂട്ടേണ്ടി വരുമെന്ന് അദ്ദേഹം ആവര്ത്തിക്കുകയും ചെയ്തു. നിലവിലെ കണ്സഷന് തുക വിദ്യാര്ഥികള് നാണക്കേടായി കാണുന്നുവെന്ന മന്ത്രിയുടെ വാക്ക് വിവാദമായിരുന്നു.
ചാർജ് വർധന ഉണ്ടായില്ലെങ്കിൽ സമരത്തിലേക്ക് നീങ്ങുമെന്ന മുന്നറിയിപ്പ് ബസുടമകൾ നൽകിയിരുന്നു.
ഗതാഗത മന്ത്രി ആന്റണി രാജുവിനെ നേരിൽ കണ്ട് സ്വകാര്യ ബസുടമകൾ നോട്ടിസ് നൽകിയിരുന്നു. മിനിമം ചാർജ് 12 രൂപയാക്കണമെന്ന് സ്വകാര്യ ബസുടമകളുടെ സംഘടനയായ ബസ് ഓപ്പറേറ്റേഴ്സ് ഫെഡറേഷൻ ആവശ്യപ്പെടുന്നു. വിദ്യാർത്ഥികളുടെ ബസ് ചാർജ് മിനിമം ചാർജിന്റെ പകുതിയായി വർധിപ്പിക്കണമെന്നും ആവശ്യപ്പെട്ടിട്ടുണ്ട്.
ബസ് ചാർജ് വർധിപ്പിക്കണമെന്ന ബസ് ഉടമകളുടെ ആവശ്യം ന്യായമെന്ന് ഗതാഗത മന്ത്രി ആന്റണി രാജു നേരത്തെ പറഞ്ഞിരുന്നു. ബസ് ചാർജ് വർധനവ് ഉടനെ ഉണ്ടാകുമെന്നും എന്നാൽ എന്ന് മുതൽ എന്നത് പറയാനാകില്ലെന്നുമാണ് ഗതാഗത മന്ത്രി പറഞ്ഞത്.
സംസ്ഥാന ബജറ്റിൽ പ്രൈവറ്റ് ബസ് മേഖലയെപ്പറ്റി പരാമർശിക്കാത്തതിൽ സ്വകാര്യ ബസ് ഉടമകൾ അതൃപ്തിയിലായിരുന്നു. ഈ മാസം 31 നുള്ളിൽ നിരക്ക് വർധന ഉണ്ടായില്ലെങ്കിൽ അനിശ്ചിത കല സമരത്തിലേക്ക് നീങ്ങുമെന്നും സ്വകാര്യ ബസുടമകൾ അറിയിച്ചിരുന്നു. സ്വകാര്യ ബസ് വ്യവസായത്തെ മുന്നോട്ട് കൊണ്ടുപോകാൻ സർക്കാർ സഹായിക്കണമെന്നാണ് ബസ് ഉടമകളുടെ നിലപാട്.
Disclaimer: This story/news is auto-aggregated by a news medias and has not been created or edited by News @ Hour Whatsapp Group. it was been copywrited to online news medias
0 അഭിപ്രായങ്ങള്